Basha: Qeveri teknike, s’ka zgjedhje me Tahirin

Kreu i opozitës, Lulzim Basha nga çadra para kryeministrisë, i është kundërpërgjigjur deklaratës së fundit të kryeministrit Rama, ku u shpreh se nuk do të ketë bisedime apo negociata. ”Zgjidhja do të jetë, vetëm largimi i Ramës”,­u shpreh Basha.

Basha ka deklaruar gjithashtu këtë të shtune nga protesta, se nuk do të ketë zgjedhje as me ministrin e Brendshëm, pasi sipas tij Tahiri është garantues i drogës dhe krimit. ”Nuk jemi mbledhur për pushtetin e askujt. Nuk jemi mbledhur për të negociuar me politikën e korrupsionit. Më 18 shkurt qytetarët e mbledhur morën një vendim. Vendimi nuk ka zgjedhje me Edi Ramën. Nuk ka bisedime nuk ka negociata, por një dialog për qeveri teknike. Ne do të jemi opozita deri sa qytetarët shqiptarë të vendosin këtë vend. Por harroje se do bësh zgjedhje me ministrin e brendshëm që njihet si garantues i drogët dhe krimit. Harroje se do të kesh zgjedhe me kriminelë kryetarë bashkishë. Kjo republikë do të shembet me çdo kush dhe çdo çmim. Hapi i parë është qevria teknike”,­u shpreh Basha.

Kujtojmë se Rama deklaroi sot se nuk do të ketë negociata me opozitën për qeverinë teknike. Ai u shpreh se është i gatshëm të ulet të bisedojë me opozitën, për kërkesat të cilat janë realiste dhe konkrete.