Politika
Basha: Shqiptarët e Luginës së Preshevës interes madhor kombëtar
Kryetari i PD Lulzim Basha u takua me homologun Ragmi Mustafa nga Lugina e Preshevës, i cili drejton dhe komunën atje. Basha tha se shqioptarët e luginës janë interes madhor kombëtar, si një detyrim kushtetues dhe politk i demokratëve të Shqipërisë. Në një takim me Ragmi Mustafën, kryetarin e Komunës së Preshevës dhe të Partisë Demokratike Shqiptare atje, Lulzim Basha tha se të dy forcat politi8ke kanë një bashkëpunim për objetiva afatgjata e afashkurtra.
“Është një bashkëpunim për interesat dhe objektivat afatshkurtra dhe afatgjata strategjike të shqiptarëve të Preshevës si një interes madhor kombëtar, si një detyrim kushtetues dhe politik i Partisë Demokratike të Shqipërisë”, tha Basha.
Në përgjigje të interesit të medias nga Presheva, Basha i bëri thirrje qeverisë t’u përmbahet premtimeve për Luginën.
“Qeveria e Shqipërisë duhet të angazhohet me vepra dhe jo me fjalë, me programe të financuara dhe jo me spektakle. Ky është pozicioni im si lider i opozitës sot dhe ky do të jetë prioriteti im si kryeministër nesër”, deklaroi ai.
Zoti Mustafa tha se Presheva gjithmonë i mban sytë nga Tirana dhe Prishtina zyrtare. Prej bashës ai ka kërkuar lobim ndërkombëtar. “Për këtë sigurisht që kryetari Basha duke patur mundësinë e frekuentimit nëpër vendet e Europës Perëndimore do të lobojë për Luginën e Preshevës, do të lobojë për komunën e Preshevës në mënyrë që të jetë një shpërndarje e përgjegjësive proporcionale si për shqiptarët e Shqipërisë por edhe për Luginën Preshevës sepse është obligim kushtetues i Republikës së Shqipërisë”, tha Mustafa.
Mustafa vlerësoi gjithcka Shqipëria ka mundur të bëjë për interesat e shqiptarëeve në Luginë, duke nënvizuar mundësinë që Partia Demokratike e Shqipërisë nën qeverisjen e saj u dha të rinjve preshevarë për të studiuar në Tiranë.
