Bayern nuk humb kohë dhe përgatit një kontratë të artë për Michael Olise. DETAJET

Duke ditur rrezikun e vazhdueshëm nga Real Madrid, por edhe klubet e tjera të mëdha, Bayern Munich nuk mund të humb më kohë dhe po përgatit një kontratë shumë bindëse për yllin e saj, Michael Olise.

Kontrata aktuale e Olise skadon në vitin 2029 dhe paga e tij është 13.5 milionë euro. Ndërkohë që me kontratën e re, e cila do të skadojë në vitin 2031, Olise do të paguhet 25 milionë euro në sezon, duke barazuar Harry Kane, si lojtari më i paguar te Bayern.

Me kontratën e re, Olise do të jetë një nga futbollistët më të paguar në Europë. Sipër tij do të jenë vetëm Erling Haaland dhe Kylian Mbappe.

Te Bayern janë të vetëidjshëm që kjo është e vetmja mënyrë për ta mbajtur francezin në skuadër sa më gjatë dhe e gjithë do të jetë një lloj shpërblim i drejtuesve të klubit ndaj perfomancave fantastike të sulmuesit dhe mbi të gjitha vendosmërisë së tij për të refuzuar klubet e tjera dhe për të vazhduar ende aty.