Beograd: “Blindohet” stadiumi i Serbi-Shqipëri

Pak orë para ndeshjes forcat serbe të sigurisë kanë nisur zbatimin e masave ekstreme të sigurisë.

Forca të shumta policore nisën pak pas mesditës rrethimin e stadiumit të Partizanit, ndërkohë që në ndihmë të tyre janë vënë edhe kompani private të sigurisë.
Rreth 4 mijë efektivë të policisë serbe pritet të jenë brenda në stadium për të garantuar sigurinë dhe mbarëvajtjen e takimit, megjithëse në shkallët e stadiumit është paralajmëruar mungesa e tifozëve shqiptarë.
Në rrjetet sociale qarkullojnë së fundmi disa lajme që flasin për prezencën në stadium të rreth 100 tifozëve shqiptarë nga Kosova dhe Lugina e Preshevës. Për momentin gjithcka është në kuadrin e informacioneve të shpërndara nëpër internet që do të mësohen nëse kanë qenë të vërteta apo jo vetëm në momentin e nisjes së ndeshjes, ndërsa aktualisht në rrugët e Beogradit nuk lejohen flamujt kuqezi, masë e marrë nga autoritetet serbe për shmangjen e incidenteve.
Sa i përket përgatitjes Kombëtarja kuqezi ka zhvilluar një përgatitje të lehtë fizike në palestrën e hotelit ku është vendosur. Axhenda parashikonte një shëtitje, por me këshillën e autoriteteve serbe të sigurisë një gjë e tillë është anuluar.
Përsa i takon formacionit kuqezinjtë pritet të luajnë me të njëjtën skemë me Berishën në portë, 4 mbrojtës, 5 mesfushorë dhe 1 sulmues. Sipas gazetarit të Top Channel në Beograd, Endi Tufa me shumë gjasa edhe emrat që do të hidhen në fushë do të jenë po ata që nisën takimin me Danimarkën në Elbasan.
Policia ka nisur të vihet në lëvizje, rrëthimin e stadiumit. Po merr kuptim shtetrrethimi, vërtet fjalët që qarkullojnë në rrjetet sociale, tifozët shqiptarë masa ekstreme sa i përket sigurisë. 4 mijë foca policore, edhe kompani të policive private.