Beogradi shënon 17 vjetorin e bombardimeve të ish-Jugosllavisë nga NATO

Në kryeqytetin e Serbisë, Beograd, mbahet ceremonia përkujtimore për 17 vjetorin e bombardimeve të ish-Jugosllavisë nga NATO, pas rritjes së masakrave dhe presioneve ndaj popullatës muslimane në vend në vitin 1999 gjatë periudhës kur vazhdonte lufta në Kosovë, raporton Anadolu Agency (AA).

Në ceremoninë e mbajtur para ish-ndërtesës së Shtabit të Përgjithshëm që gjatë bombardimeve të NATO-s pati dëme të mëdha, morën pjesë ministri i Brendshëm Nebojsa Stefanoviç, një grup qytetarësh duke përfshirë dhe ushtarë dhe krerët fetarë.

Stefanoviç në një deklaratë duke theksuar se janë mbledhur për të përkujtuar forcat e sigurisë që kanë humbur jetën gjatë bombardimeve të NATOS-s tha se: “Serbia nuk do të harrojë asnjëherë ato që keni bërë për shtetin dhe popullin”.

Duke rikujtuar se gjatë bombardimeve të NATO-s kanë humbur jetën 167 persona nga personeli i sigurisë, Stefanoviç ka theksuar se gjatë bombardimeve të cilët zgjatën 77 ditë forcat e sigurisë zgjodhën që të tregonin guximin dhe jo frikën.