Berisha: Rama i sëmurë psikik, ia doli të rilindë eksodin e shqiptarëve si në ‘91

Ish-kryeministri Sali Berisha në një bashkëbisedim me gazetarët ka akuzuar qeverinë e drejtuar nga Edi Rama si përgjegjës për rikthimin në mënyrë të frikshme të eksodit njësoj si në vitin 1991, ku njerëzit sipas tij largoheshin nga ferri komunist.

Sipas Berishës, Rama ia doli të rilindë eksodin, sot kur Shqipëria ka të ardhura 30 herë më të larta për frymë në krahasim me vitin 1991, për shkak të masave shtrënguese të ndërmarra nga qeveria.

“Pas liberalizimit të  vizave, nga 2010-2013 ne ishim të fundit në rajon për kërkesat për azil, madje shumë janë kthyer nga vendet e BE për në Shqipëri. Në vitin 2015, jemi pas sirianëve në listat e azilkërkuesve”, tha  Berisha, i cili e ka quajtur kundërshtarin e tij politik Edi Rama një të sëmurë psikik.