BERZH, 6 milionë euro për SME-të në Shqipëri

Banka Europiane për Rindërtim dhe Zhvillim (BERZH) ka akorduar një hua prej 6 milion euro Fondit Besa, në mbështetje të zhvillimit lokal të sektorit privat.

Në një njoftim për shtyp, BERZH bën të ditur se,  e jep kontributin e saj për forcimin e sektorit financiar shqiptar, duke zgjeruar kredinë e parë sindikale në vend. Financimi do të mbështesë ndërmarrjet e vogla dhe të mesme, lokale.

Financimi është një transaksion historik, thuhet në njoftim, për më tepër është kredia e parë e BERZH-it, në sektorin financiar të Shqipërisë.

Nga struktura e BERZH është siguruar një kredi prej 3 milion euro ndërsa pjesa tjetër e kredisë së mbetur është zgjeruar nga Fondi Evropian për Evropën Juglindore (EFSE). Të dy kreditë kanë një pjekuri prej tre-vitesh.

Me këtë angazhim BERZH është duke kontribuar në zhvillimin e mëtejshëm dhe diversifikimin e infrastrukturës financiare në Shqipëri. Financimi ka për qëllim mobilizimin e investimeve shtesë dhe rritjen e aksesit të institucioneve financiare shqiptare për kapitalin e huaj.

“Ne jemi krenarë që kemi rregulluar kredinë tonë të parë sindikale në Shqipëri dhe të kënaqur nga mbështetja e Fondit Besa me këtë transaksion, i cili ilustron zhvillimin e sektorit financiar në Shqipëri. Është e rëndësishme që të ketë një shumëllojshmëri të mjeteve financiare, sepse kjo ndihmon për të arritur elasticitetin financiar”, tha Toni Myron, bankier pranë BERZH, për Ballkanin Perëndimor, Bjellorusinë, Moldavinë dhe Ukrainën.

Që nga fillimi punën e saj në Shqipëri, BERZH ka investuar rreth 795 milion euro në 66 projekte në sektorë të ndryshëm të ekonomisë shqiptare.