BERZH do të financojë projektin TANAP, ndërsa TAP jashtë fokusit

Banka Europiane për Rindërtim dhe Zhvillim (BERZH) po mendon të financojë projektin e Gazsjellësit TANAP. Tolga Erguven, kreu i Bankës për Energjinë në BERZH për Rusinë, Azinë qendrore dhe Kaukazin, në një deklaratë për mediat azere forcoi zërat, duke pranuar publikisht se do të financojë projektin TANAP. “ Jemi duke diskutuar individualisht me sponsorët për të parë interesin e përbashkët të financimit”- pohoi z. Erguven.

I pyetur nëse edhe gazsjellësi Trans Atlantik (TAP) do të jetë pjesë e financimit, ai tha BERZH është aktivisht i përfshirë në këtë projekt, por mohoi për një financim të mundshëm në të.

Konsorciumi pret fonde nga një numër i madh organizatash, përfshirë edhe BERZH, si dhe një sërë agjencish kreditimi pjesë e shteteve në OECD. Aktualisht, aksionerët e TANAP janë: SOCAR 58 %, Botas 30 % dhe BP me 12 %.

Ndërsa, aksionerët e projektit TAP janë: BP (20 për qind), SOCAR (20 për qind), Fluxys (19 për qind), ENAGAS (16 për qind) dhe Axpo (5 për qind), Ndërsa kanë hequr dorë Norvegjezët e Statoil që zotëronin 20 për qind të kuotave. Fillimisht, burime të mediave azere njoftuan se për blerjen e aksioneve shfaqën interes malajzianët e Petronas, por ndonëse interesi është zyrtarizuar, shitja nuk është realizuar ende. Disa ditë më parë, interesat e aksioneve të Statoil iu shitën kompanisë italiane Snam për 208 milionë euro.