Bilanci i sezonit turistik veror, 640 milionë euro vetëm nga vizitorët e huaj
Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi deklaroi nga Dibra se Shqipëria i ka të gjitha potencialet për të zhvilluar një turizëm gjatë gjithë vitit. Duke bërë një bilanc të sezonit turistik veror Eknomi tha se numri i turistëve u rrit me 19.7 % më shumë se një vit më parë.
Ekonomi: “Numri i vizitorëve ishte 19.7 % më shumë se një vit më parë për të njëjtën periudhë”
Të ardhurat nga vizitorët e huaj arritën në vlerën 640 milionë euro tha ministrja Ekonomi, ndërsa kjo situatë ndikoi edhe në rritjen e numrit të të punësuarve.
Në takimin që u zhvillua pranë Kalasë së Grezhdanit në Peshkopi një atraksion turistik i zonës, kreu i bashkisë Muharrem Rama tha se kjo zonë ka resurse turistike të shumta që duhen shfrytëzuar.
Gjatë qëndrimit në qytetin e Peshkopisë, Ministrja Ekonomi së bashku me të kryebashkiakun Muharrem Rama inauguruan katër Info-Pointe në gjuhën shqipe dhe angleze që do ti vinë në ndihmë të turistëve. I pranishëm ishte edhe rektori i Agjencisë Kombëtare të Turizmit, Ardit Cela.
