Bllokohen 10 barinj në Darëzezë, kërkojnë vetëm ushqim për delet

Në të gjithë vendin janë rreth 5 mijë ha të përmbytura. Pas shirave të dendur ditët e fundit rezulton se 420 familje janë evakuuar.

“Në zonat e përmbytura ka nisur shpërndarja e pakove me ushqimeve. 250 pako me ushqimet më të domosdoshme janë duke u shpërndarë në Novoselë të Vlorës, ndërsa 250 të tjera do të shpërndahen në Levan të Fierit. Drejtoria e Rezervave të Shtetit ka përgatitur edhe 80 pako të tjera më ushqime që do të dërgohen në Urën Vajgorure”, thuhet në njoftimin e Ministrisë së Brendshme.

12.45
Bllokohen 10 barinj në Darëzezë

Në Darezëzë 10 barinj prej shumë orësh janë të bllokua nga uji.

Megjithatë ata kanë kërkuar ndihmë në ushqime për rreth 800 krerë dele të cilat gjenden të rrezikuara.

Barinjtë kanë refuzuar propozimin e autoriteteve për ti evakuuar ata fillimisht, duke kërkuar që të merren masat për të mos u mbytur delet.