Blushi: Nuk garoj për Tiranën. Rama duhet të këshillohet me PS për kandidaturat

Pas mbledhjes së grupit parlamentar të PS-së, ku kryeministri Rama mungoi, Ben Blushi ka theksuar në një prononcim të tij për mediet se nuk do të kandidojë për Bashkinë e Tiranës në zgjedhjet e ardhshme lokale.

Por nga ana tjetër, deputeti “rebel”, ka i ka kërkua Ramës që të këshillohet me grupin parlamentar socialist për përcaktimin e kandidatëve për zgjedhjet e 21 qershorit.

“Nuk jam në garë për Tiranën, por mendoj se Rama duhet të këshillohet me grupin e PS-së për emrat e kandidatëve”, – u shpreh Blushi.

Po ashtu, deputeti socialist ka komentuar edhe dorëheqjen e kryebashkiakut të Pogradecit nga detyra një ditë më parë: “Dorëheqja e tij është një braktisje e detyrës”.