“BNP Paribas” paguan një gjobë prej 8,9 milliardë dollarë

Banka franceze “BNP Paribas” pranoi dje se ka shkelur embargot amerikane kundrejt Kubës, Iranit dhe Sudanit dhe pranoi të paguajë një gjobë rekord prej 8,9 miliardë dollarë për të mënjanuar ndjekjet penale.
Pas shumë muajsh negociatash, banka franceze ka marrë gjobën më të madhe që i është vënë ndonjëherë një banke të huaj në SHBA.
“BNP-ja është përpjekur shumë të fshehë transaksione të ndaluara, duke fshirë gjurmët dhe të mashtrojë autoritetet amerikane. Këto akte përfaqësojnë një shkelje të rëndë të ligjeve amerikane”, theksoi ministri amerikan i Drejtësisë, Eric Holder në një komunikatë.
Në detaje, shuma total e gjobës arrin në 8,83 miliardë, që bashkë me taksat (143 milionë dollarë) arrin në 8.9 miliardë dollarë.
Kjo shumë është tetë herë më e lartë nga ajo e kërkuar nga banka franceze (1,1 miliardë dollarë). Gjoba përfaqëson shumën që BNP-ja ka përfituar nga thyerja e sanksioneve duke tranzituara nga SHBA-ja në emër të klientëve sudanezë (të ardhurat janë 6,4 miliardë dollarë), kubanez (1,7 miliardë) dhe iranianë (650 milionë dollarë).
Në një komunikatë, drejtori i përgjithshëm i “BNP Paribas”, Jean Laurent Bonnafe shprehu “keqardhjen e tij për gabimet e tij të së shkuarës dhe garantoi se ky sanksion nuk do të ketë asnjë ndikim mbi aftësinë operacionale apo tregëtare për t’iu përgjigjur nevojave të të gjithë klientëve të saj