BQE: ‘QE’ po jep fryte; Greqia të pranojë marrëveshjen

Banka Qendrore Evropiane është e vendosur të rrisë parashikimin e saj të inflacionit sot, duke thënë se programi i saj prej triliona euro-plus të blerjes së aktiveve tashmë po jep fryte, dhe ka të ngjarë ti kërkojë Greqisë të pranojë një marrëveshje të re nga kreditorët e saj për të fituar akses për një ndihmë të re.

Në takimin i cili mund të konsiderohet si më pak i rëndësishmi i bankës për muaj me radhë, BQE është e vendosur ti mbajë normat pezull, konfirmojnë parashikimet e saj të rritjes, duke argumentuar për një ritëm të qëndrueshëm në lehtësimin sasior dhe për të diskutuar Greqinë vetëm shkurtimisht, duke ia lënë ‘barren’ më të madhe të bisedimeve Brukselit.

Deflacioni ka përfunduar, pjesërisht për shkak të rigjallërimit në çmimet e naftës, dhe shifrat në maj befasuan me rritjen, duke treguar se rritja anemike e çmimeve, pengesë për ekonominë dhe shqetësimi më i madh i bankës, po i afrohet fundit të saj.

‘Rreziku i deflacionit është zhdukur përfundimisht, por inflacioni nuk ka gjasa që të lëvizë përsëri në 2 për qind për të ardhmen e parashikueshme,’ tha ekonomisti UniCredit Marco Valli.

Banka pritet të njoftojë vendimin e normës së saj sot dhe Mario Draghi, presidenti i saj, do të mbajë një konferencë për shtyp pas njoftimit.

Draghi pritet të argumentojnë se rigjallërimi i inflacionit varet në zbatimin e plotë të planit të blerjes së aktiveve, kështu që ai do të refuzojë cdo sugjerim reduktimi ose një fund të parakohshëm të programit që është caktuar të zgjasë deri të paktën në shtator të vitit 2016.

‘Draghi thekson edhe një herë lehtësimin e konsiderueshëm që siguron BQE, dhe konfirmon natyrën më fleksibël të blerjeve gjatë muajve të ardhshëm, ‘tha Nordea në një shënim për klientët. ‘Mesazhi do nxisë yield-et bazë të bien edhe më tej si dhe euron të zhvlerësohet. “