Braçe: Guvernatori, edhe anëtar i Këshillit Mbikqyrës

Kryetari i komisionit të Ekonomisë, Erjon Braçe deklaroi të martën se është konferenca e kryetarëve ajo që vendos nëse do të futet në rend të ditës shqyrtimi i dekretit të Presidentit për Guvernatorin.
Në një prononcim për mediat, Braçe theksoi se do të kërkojmë investimin e komisionit të Ligjeve për të parë dekretin nga përputhshmëria me ligjin.
Sipas tij, “Kuvendi ka të drejtën e propozimeve për 5 anëtarë të Këshillit Mbikqyrës, 3 anëtarë i propozon qeveria dhe 1 anëtarë Këshilli Mbikqyrës”.
“Asnjë institucion tjetër nuk ka të drejtë të propozojë. Guvernatori duhet të jetë edhe anëtarë i Këshillit Mbikqyrës. Ka precedent në zgjedhjen e Guvernatorit nga viti ’92. Vullneti individual nuk i shërben askujt”, tha Braçe