Bregu: Ilaçi kundër ngadalësimit të procesit të zgjerimit të BE-së eshtë integrimi i Ballkanit!

“Ndërsa axhendat e bashkëpunimit rajonal ndërtohen dhe intensiteti e sfidat bëhen më të mëdha, ne jemi çdo ditë dëshmitar se procesi i bashkëpunimit mes Ballkanit Perëndimor po përballet me një ngërç. Në një mjedis gjeopolitik rajonal shumë të kontestuar, vetëm planet e veprimit si Tregu i Përbashkët Rajonal (CRM) dhe Axhenda e Gjelbër (GA) nuk do të mjaftojnë. Këto instrumente nuk janë gjë tjetër veçse fuqi e butë për bashkëpunimin rajonal. Por nëse modeli i bashkëpunimit komprometohet, fuqia e butë do të zhduket. Veprimet më ambicioze për integrimin e Ballkanit Perëndimor në politikat e tregut të vetëm të BE-së janë ilaçi kundër ngadalësimit të procesit të zgjerimit të BE-së. Potencialet e rritjes mund të zhbllokohen vetëm nëpërmjet integrimit ekonomik rajonal të të gjashtë vendeve të Ballkanit Perëndimor, duke mbajtur pak përballë potencialeve nga integrimi i mëparshëm në politikat e zgjedhura të tregut të vetëm të BE-së. Ky është qëllimi përfundimtar i Axhendës së Tregut të Përbashkët Rajonal që ne në RCC kryesojmë”, përfundoi Bregu.

Në takim morën pjesë edhe Josep Borrell Fontelles, zëvendëspresident i Komisionit Evropian (KE) dhe Oliver Varhelyi, Komisioneri i KE-së për Fqinjësinë dhe Zgjerimin.

Sekretarja e Përgjithshme e RCC përgëzoi kryesimin grek të SEECP për punën e tyre të shkëlqyer në përdorimin e platformës SEECP për bashkëpunimin e mëtejshëm dhe lejimin e shkëmbimeve për një sërë temash me rëndësi rajonale.
RCC mbetet plotësisht e përkushtuar për të mbështetur SEECP-në si forumi kryesor i bashkëpunimit rajonal në Evropën Juglindore, si dhe për të ndihmuar rajonin në rritjen e prosperitetit, sigurisë dhe stabilitetit.