Brukseli, 25 milion euro për vendet e Ballkanit

Komisioni Evropian dhe Këshilli i Evropës do të asistojnë vendet e Ballkanit Perëndimor dhe Turqinë në adresimin e sfidave lidhur me sundimin e ligjit dhe të drejtat e njeriut. Përmes nismës e cila u firmos zyrtarisht në Bruksel, Komisioni Evropian do të ofrojë 20 milion euro ndërsa Këshilli i Evropës 5 milion euro, për realizimin e një sërë reformash në një afat 3 vjeçar. Nisma do të ofrojë mbështetje për reformat në gjykata, luftën kundër korrupsionit dhe krimit të organizuar, mbrojtjen e të drejtave të grupeve në nevojë, dhe për promovimin e politikave jo diskriminuese. Sipas institucioneve ndërkombëtare në këtë mënyrë pritet që vendet aspirante në Ballkanit Perëndimor dhe Turqia t’i afrojnë standardet evropiane.