Bundesliga (javë 32) – Bayern me formacion të dytë bie 1-2 ndaj Heidenheim; Hoffenheim udhëheq ndaj Stuttgart

Janë mbyllur 45 minutat e para të ndeshjeve të Bundesligës, për javën e 32-të. Në Allianz Arena, Bayern Munich, që aktivizoi formacionin e dytë, po humbet 1-2 ndaj Heidenheim, klubit që ndodhet në vendin e fundit në renditje.

Raporton telesport se sfida u zhbllokua në minutën e 21 kur Budu Zivzivadze shënoi pas një krosimi në zonë dhe gabimit në mbrojtjen bavareze. Dinkci dyfishoi në minutën e 30, ndërsa Leon Goretzka ngushtoi rezultatin në të 43-ën me një gol të bukur nga goditja e dënimit.

Në përballjen tjetër të rëndësishme, Hoffenheim mban avantazhin 2-1 ndaj rivalit të drejtpërdrejtë Stuttgart për vendet e Champions League. Fisnik Asllani dha asist për golin e parë të shënuar nga Kramaric; më pas Fuhric barazoi për Stuttgart, por Toure riktheu avantazhin për vendasit.

Eintracht Frankfurt dhe Hamburger SV janë 0-0 në pjesën e parë, ndërsa Union Berlin po humbet 0-1 në shtëpi ndaj Koln. Werder Bremen ndodhet në disavantazh 0-2 në përballjen me Augsburgun.

Këto janë rezultatet e pjesës së parë në takimet e javës së 32-të të Bundesligës; për zhvillimet e pjesës së dytë dhe përmbledhjet e mëtejshme ndiqni raportimet e telesport.