Bylisi ndalet në Peshkopi, Flamurtari dhe Vora tregojnë forcën

Sapo kanë përfunduar 5 takime të vlefshme për javën e 16-të të Kategorisë së Parë. Kryesuesit e Bylisit janë ndalur në Peshkopi nga Korabi vendas, që ka fituar sfidën me rezultatin 2-1. Pavarësisht kësaj disfate, skuadra e Bellait vazhdon të qëndrojë e vetme në krye të renditjes, ndërsa dibranët konsolidojnë pozitat e tyre në zonën Play Off.

Flamurtari reagon pas humbjes përballë Vorës dhe mposht në shtëpi me rezultatin e pastër 3-0 Vlonjatët marrin një fitore të çmuar, që i mban në garë për të arritur objektivat sezonal.

Zhgënjen sërish Apolonia, që duket se ka harruar të fitojë në kampionat (shkon në 4 seria e ndeshjeve pa fitore). Fierakët munden 1-0 në Burrel. Një gol i Ferrukut në minutat e para të takimit i ka dhuruar tre pikë të arta skuadrës matjane.

Vora merr një fitore të çmuar në Berat përballë Tomorit, në një sfidë të tensionuar. Vendasit marrin 2 kartona të kuq që në pjesën e parë dhe miqtë përfitojnë duke shënuar golin e fitores me Raboshtën nga pika e bardhë e penalltisë.

Luzi 2008 i largohet vendit të fundit në klasifikim, pas fitores 3-1 në shtëpi përballë Kastriotit.

Kategoria e Parë – Java e 16-të

Korabi-Bylis                        2-1

Luzi-Kastrioti                      3-1

Tomori-Vora                      0-1

Flamurtari-Lushnja          3-0

Burreli-Apolonia               1-0