Cañizares zgjedh trajnerin më të mirë të sezonit në La Liga, por jo Flick: “Ai është bosi absolut”

Me Villarreal-Atletico Madrid, sezoni i La Liga-s u mbyll përfundimisht. Ishte një kampionat me rivalitet deri në fund, shumë emocione dhe me Barcelonën e Hansi Flick si kampione të merituar. Megjithatë, përtej gjigantëve të La Liga-s, sezoni pati edhe surpriza si Celta, Getafe apo Villarreal.

Ish-portieri i Spanjës, Santi Cañizares, analizoi sezonin e trajnerëve në emisionin “Tiempo de Juego” në COPE dhe publikoi renditjen e tij personale të pesë teknikëve më të mirë.

Në vendin e pestë ai vendosi Claudio Giráldez të Celta, ndërsa i katërti Íñigo Pérez i Rayo Vallecano. Hansi Flick u rendit i treti prej tij. “E fitoi kampionatin dhe i dha ekipit një identitet të madh”, – tha Cañizares për trajnerin gjerman.

Në vendin e dytë ai vendosi Luis Castro të Levantes, duke e quajtur punën e tij “mrekulli absolute”, pasi skuadra ishte e fundit në prill dhe arriti mbijetesën.

Vendi i parë i tij shkoi për José Bordalás të Getafes. “Është bosi absolut, – deklaroi Cañizares. – Nuk ka asnjë sezon pa arritur objektivat. Klubet spanjolle duhet t’i heqin komplekset dhe të zgjedhin trajnerë të vërtetë futbolli”.