Çertifikata e pronësisë do të merret në zyrat e ALUIZNI-t

Duke filluar nga dita e hënë të gjithë ata që do të legalizojnë banesat nuk do të paraqiten më në zyrat e regjistrimit të pasurive të paluajtshme, por ky proces do të bëhët në zyrat e ALUIZNI-t.

Lajmin e bënë të ditur në një konferencë për shtyp, kreu i ALUIZNI-t Artan Lame dhe kryeregjistruesi, Ilirjan Muho.

Lame: Lajme shumë të mira për qytetarët që janë në proces legalizimi të banesave të tyre. Duke filluar nga e hëna të gjithë qytetarët që legalizojnë banesast e tyre nuk do aplikojnë pranë ZRPP-ve për regjistrimin dhe marrjen e çertifikatës së pronësisë, këtë proces kompleks do ta kryejnë  drejtoritë përkatesë të Aluizni-t në bashkëpunim me zyrat përkatëse të hipotekës.  

Muho: Ndryshimi i bërë kohet e fundit ka dy risi. E para është që për qytetarët tashmë shmanget një sportel, qytetarët tashmë nuk do të paraqiten në zyrat tona për të aplikuar, këtë përgjegjësi e marrin zyrat e ALUIZNI-t. Pas përfundimit të procedurave për dhënien e lejeve të legalizimit kanë të drejtën të aplikojnë onlinë në sistemin tonë brenda 10 ditëve specialistët e trajtojnë këtë aplikim. Brenda këtyre ditëve nëse ka nevojë për një sqarim, ky komunikimi do të bëhet nga zyrat e ALUIZNI-t. Në momentin e përfundimit të trajtimit atëherë qytetarët duhet të parqiten në zyrat tona për të tërhequr dokumentin. Pra qytetarët do të parqiten pranë zyrave tonë në momentin e palikimit dhe atë të tërheqjes së dokumentit të pronësisë. Risia e dytë që sjell ky ndryshim është fakti që, ose ai ndryshim që ndodhte gjatë trajtimit të procedurave të kërkesave të qytetarëve ishte aplikimi i kamatovonesave. Ndodhte që zyrat e ALUIZNI-t të kishin dhënë lejen e legalizimit, dosja ishte dërguar pranë zyrave tona, por qytetarët për shkak të mungesës së informacionit aplikonin në zyrat tona përtej afatit 30 ditor. Me këtë ndryshim ky problem nuk do të ekzistojë me sepse e drejta e aplikimit i ka kaluar zyrave të Aluiznit.