Çfarë ka të re, Neuer? “Nuk e kuptova kurrë pse Gjermania nuk vazhdoi të luante me të”

Manuel Neuer, i lindur në Gelsenkirchen më 1986, i dha fund karrierës me kombëtaren gjermane pas më shumë se 15 vitesh dhe 124 ndeshjesh ndërkombëtare, pas humbjes 2-1 ndaj Spanjës në çerekfinalen e “Euro 2024”. “Pas më shumë se 15 vitesh dhe 124 ndeshjesh ndërkombëtare, karriera ime me përfaqësuesen gjermane ka marrë fund.

Të gjithë që më njohin e dinë se nuk e mora lehtë këtë vendim. Ndihem shumë mirë fizikisht dhe, sigurisht, Kupa e Botës 2026 në SHBA, Kanada dhe Meksikë do të ishte shumë tërheqëse…, por kam arritur në përfundimin se është koha e duhur për ta mbyllur këtë kapitull”, – thoshte ai me rastin e tërheqjes.

Pas dy vitesh larg kombëtares dhe në moshën 40 vjeç, ai u rikthye me vendim të Nagelsmann, i cili tha: “E dinim se ai ishte ende një nga tre portierët më të mirë në vend, ndaj e kontaktuam dhe e pyetëm nëse dëshironte të kthehej”.

Neuer, që ka rinovuar edhe një sezon me Bayernin, mungoi në disa ndeshje për shkak dëmtimi, por pritet të luajë ndaj Curaçaos. Nagelsmann konfirmoi: “Manu është mirë dhe do të luajë”.

Portieri i Curaçaos, Eloy Room, e vlerësoi rikthimin e tij, ndërsa Dino Zoff tha: “Nuk e kuptova kurrë pse Gjermania nuk vazhdoi të luante me të në portë pas Europianit 2024”. Neuer shprehu krenari për marrjen pjesë sërish në Botëror dhe shpreson të vazhdojë të bëjë histori.