Champions League: Grupi H, Porto-Shahtjor luajnë kualifikimin

Porto-Shahtjor është ndeshja e vetme e rëndësishme në Grupin H në Champions League nesër në mbrëmje, ku ende mbetet për t’u njohur skuadra që do të pasojë Barcelonën në ndeshjet me eliminim direkt. Dy skuadrat kanë nga nëntë pikë dhe nëse mbeten të barabarta edhe pas takimit të nesërm, atëherë më tej kalon Porto, fitues 3-1 në ndeshjen e parë, të luajtur në Hamburg.

Ndaj për ukrainasit, të cilët i kanë luajtur ndeshjet brenda në fushë asnjanëse, alternativë e vetme është fitorja. Mision i vështirë, pasi Porto nuk ka humbur asnjë nga shtatë përballjet e mëparshme me Shahtjorin, duke arritur katër fitore. Njëra nga dy skuadrat do të vazhdojë në Europa League, pasi janë të paarritshme nga Antverp, që pret Barcelonën.

Ndeshja do të jetë thjesht për statistikë, pasi belgët, ku luan Arbnor Muja, autor i një goli, nuk kanë asnjë pikë, ndërsa katalanasit e kanë siguruar vendin e parë, edhe në rast humbjeje që mund t’i barazonte me Porton apo Shahtjorin. Barcelona ka dy fitore kundër Portos dhe është barazim në dy përballjet me Shahtjorin, por ka golaverazh më të mirë se ukrainasit.