Clinton dominon “Super të Martën” e fundit
Hillary Clinton duket se do të arrijë një fitore të fuqishme në Kaliforni, shteti më i populluar, më i pasur dhe kulturalisht më influent në SHBA, që ishte gjithashtu objektivi kryesor (me 475 delegatë) në këtë “Super të Martë” të fundit të primareve demokrate, duke u bërë gruaja e parë në 240 vite demokraci amerikane që kandidon për president.
Në fakt Hillary nuk ka fituar vetëm në Kaliforni (janë numëruar rreth 40% të votave dhe Clinton është në krye me 60,1% kundër 38%), por edhe në tre nga pesë shtetet që votonin të martën (Nju Xhersi, Nju Meksiko dhe Dakota e Jugut) duke i lënë Sandersit vetëm Montanan dhe Dakotën e Veriut.
Një finale që nuk lë shumë dyshime, ndërkohë që presidenti Barack Obama ka telefonuar të dy kandidatët për të bashkuar partinë.
Por Sanders, ndonëse ka deklaruar se dëshiron të pengojë Donald Trump të zgjidhet, ka shpallur se lufta e tij vazhdon deri në primaret e fundit që mbahen në Washington Dc dhe më pas në konventën përfundimtare të Filadelfias.
