Çmimi i biletave, në dhjetor kompania e parë Low Cost e avionëve
Shqipëria do të ketë kompaninë e parë “low cost”, çka do të thotë çmime shumë më të ulëta për pasagjerët se ato aktualet.
Ministri i Transporteve, Sokol Dervishaj bëri me dije në komisionin e Veprimtarive Prodhuese, se në fund të këtij muji do të nënshkruhet një memorandum me Wizzair, çka do të thotë se do të futet kompania e parë me çmime të ulëta.
“Për çmimet e biletave të avionëve, në fund të muajit ne shkruajmë memorandum me Wizzair dhe fusim kompaninë e parë Low Cost në vend. Zgjidhja e kësaj çështje mbetet te hapja e tregut”, tha Dervishaj.
Për sa i përket Rrugës së Arbrit, ministri tha se deri më tani ka paraqitur ofertë një kompani shqiptare.
“Për rrugën e Arbrit ka një ofertë të një kompanie Shqiptare. Oferta financiare shume e pranueshme. Ka pushuar oferta me kompaninë kineze. Oferta për Rrugën e Arbrit vjen nga Gjoka Construksion. Rruga e Kombit, jemi duke negociuar me kompaninë për të filluar operimin e koncesionit.
Në negociatë do respektojmë banoret e Kukësit dhe zonave për të mos i rënduar. Është e rëndësishme qe ky koncesion te filloje operimin sa me shpejt. Operimi i jep zgjidhje problematikave qe ka rruga dhe te përfundojë i gjithë projekti”, vijoi ai.
