Çmimi i gazit për automjetet, LSI kundër qeverisë për akcizën

Lëvizja Socialiste për Integrim ka dalë kundër Qeverisë duke kërkuar që të rishikohet vendosja e akcizës për gazin e automjeteve.

Gjatë raportimit në komisionin e Veprimtarive Prodhuese për buxhetin e vitit 2017, ministri i Mjedisit Lefter Koka u shpreh se duhet nxitur përdorimi i gazit pasi ul ndotjen në ambient.

“Do të kërkoja që ta paktën ky zë në paketën fiskale të rishihet, nuk po them të subvencionohet por nuk mund ti vendoset akcizë, sepse janë rreth 3% e automjeteve që përdorin gazin e lëngshëm dhe nuk besoj se prish ekuilibra. Unë besoj se kjo nuk duhet dekurajuar, por inkurajuar”, tha Koka.

Nga ana tjetër, opozita ngriti si shqetësim faktin se vendosja e kësaj akcize do të prekë në masë edhe qytetarët që e përdorin atë për ngrohje dhe gatim.