Debatet në PD/ Ruli kërkon shtyrjen e zgjedhjeve, Bregu kundër bojkotit

Pas nënshkrimit të memorandumit me aleatët, ku u listuan kushtet për zgjedhjet e ardhshme parlamentar, kreu i PD-së, Lulzim Basha ka informuar deputetët në mbledhjen e grupit parlamentar.

Deputeti Genc Ruli, një ndër kritikët e Bashës, ka dalë pro kreut të PD-së, ndërsa ka propozuar edhe shtyrjen e datës së zgjedhjeve.

“Për të arritur zgjedhje normale ja vlen të shtyhet data e zgjedhjeve”, ka thënë Genc Ruli.

Ndërsa deputeti Aldo Bumçi ka deklaruar se nëse niset aksioni, duhet të përfundohet.

“Duhet të përgatisim variantin tonë, të kemi kujdes në vendimmarrje”, ka thënë Bumçi.

Nënkryetari i Parlamentit, Edmond Spaho ka propozuar që të bëjnë presion duke dalë nga parlamenti.

“Të dalim nga parlamenti për presion, kemi memorandum me 22 parti”, tha Spaho.

Ndërsa Bregu tha se përgjegjësia është e PD.

“Jo 22 parti po 52 të jenë aleatët tanë, barra është e jona. A jemi të sigurt se jemi në gjendje për protesta?”, tha Bregu.