Kronika
“Dëbohet” diplomatja ruse/ Shqipëria i refuzon vizën e akreditimit një diplomateje të OKB
Shqipëria i ka refuzuar vizën e akreditimit një shtetaseje ruse e cila është përzgjedhur për të përfaqësuar UNODC, Zyrën e Kombeve të bashkuara për drogën dhe krimit.
Pa dhënë shpjegime të detajuara një burim diplomatik i tha gazetarit të Top Channel Muhamed Veliu se Shqipëria nuk e ka miratuar kërkesën e Zyrës së Kombeve të bashkuara për të sjellë diplomaten ruse Naida Chamilova e cila mban një pasaportë të një vendi të BE.
Të njëjtat burime theksuan se vendimi është marrë pas konsultimeve me strukturat inteligjente të vendit tonë.
Në të shkuarën rusja Naida Chamilova ka punuar si përfaqësuese e zyrës së UNODC-së në Kiev të Ukrainës dhe u largua pas fillimit të pushtimit rus.
Ndersa më 31 maj 2022, Zyra e OKB-së për Drogën dhe Krimin (UNODC) informoi Misionin e Përhershëm të Shqipërisë në OSBE se Naida Chamilova është emëruar në krye të Zyrës së Programit të UNODC në Shqipëri. Kurse, përmes një letre të datës 1 qershor 2022, ambasadorja e Shqipërisë në OSBE, Vjenë, Eglantina Gjermeni, informoi Ministrinë e Jashtme të Shqipërisë se Chamilova do të fillonte detyrën më 1 korrik, duke qenë njëkohësisht edhe Koordinatore Rajonale për Kontejnerin e UNODC. Programi i kontrollit. -WCO për Evropën Juglindore.
