Deklarata e Alibeaj, Kodheli: Inspektimi është bërë një muaj më parë

Ministrja e Mbrojtjes Mimi Kodheli ka reaguar ndaj deklaratave të demokratit Enkelejd Alibeaj.

Referuar fotove të publikuara nga selia e PD-së, ministrja Kodheli thotë se janë marrë nga inspektimi i urës në Skuraj të Milotit, një muaj më parë.

“Fotot e paraqitura në deklaratën e PD-së janë marrë nga inspektimi që ministrja e Mbrojtjes i ka bërë përfundimit të punimeve të urës Skuraj, Milot, (ju rikujtojmë se ditën që kjo urë u dëmtua në atë moment humbi jetën një i ri). Është lehtësisht e vërtetueshme se ura në Skuraj është ndërtuar muaj më parë dhe është inspektuar në përfundim të punimeve nga ministrja një muaj më parë, ekzaktësisht në datën 12 janar, ku kanë qenë të ftuar të gjithë të zgjedhurit e zonës”, shprehet ministrja.

Ajo fton opozitën të marrë pjesë në çdo bashkëpunim civilo-ushtarak “kështu edhe ata do ta kenë më të thjeshtë të mbajnë shënim edhe datat”.