Der Leyen në postin e Presidentit të KE-së, Xhaçka: Shqiptarët do të gjejnë një mbështetëse të aspiratave të tyre europiane

Ministrja e Mbrojtjes përshëndeti sot për përzgjedhjen e Ursula von der Leyen, ministre e Mbrojtjes e Gjermanisë në postin e Presidentit të KE-së.

“Një lajm i bukur nga Brukseli Ursula von der Leyen mikja dhe kolegia ime, ministrja e Mbrojtjes e Gjermanisë është pretendentja kryesore për postin e Presidentit të KE. Një grua mbresëlënëse, një zonjë me një karrierë të jashtëzakonshme, që do t’i bënte nder atij posti! Por edhe një politikane që beson tek ideali evropian dhe ku shqiptarët s’kam asnjë dyshim që do të gjejnë një mbështetëse të aspiratave të tyre europiane”, tha ministrja Xhaçka.

Dy javë më parë, ministrja Xhaçka zhvilloi një vizitë zyrtare në Gjermani ku u takua me ministren e Mbrojtjes të Republikës Federale të Gjermanisë Ursula von der Leyen.

Në takim, u diskutua për votën e pritur për hapjen e negociatave të Shqipërisë, sigurinë në rajon dhe situatën politike në vend.

Sipas ministres Xhaçka në atë takim, ndau me homologen gjermane të njëjtin qëndrim se perspektiva europiane e Shqipërisë është alternativa e duhur dhe se dhe se integrimi i Shqipërisë dhe i rajonit në strukturat euroatlantike është domosdoshmëri për modernizimin dhe evropianizimin e vendeve tona, por është gjithashtu domosdoshmëri për sigurinë dhe stabilitetin e Shqipërisë dhe të Ballkanit Perëndimor, si pararojë për sigurinë dhe stabilitetin e vetë Europës”.