Digjen 16 hektarë grurë në Topojë të Fierit, era favorizoi flakët
Një sipërfaqe prej 16 hektarësh e mbjellë me grurë është përfshirë nga flakët mesditën e sotme në fshatin Topojë në Fier.
Sipërfaqja në pronësi të një prej kultivuesve më të mëdhenj të grurit në zonë, Mili Sako është shkrumbuar vetëm për pak minuta pasi flakët të favorizuara edhe nga era janë përhapur me shpejtësi duke rrezikuar edhe një stan pranë.
Në vendngjarje ka mbërritur menjëherë zjarrfikësja e cila ka bërë të mundur shuarjen e flakëve. Për fermerin Sako dëmi ekonomik është i konsiderueshëm teksa nuk beson se mund të jetë një zjarrvënie e qëllimshme.
Fermeri Sako këtë sezon ka kultivuar 45 ha sipërfaqe të mbjellë me grurë , ndërkohë që gruri më cilësor tashmë është shkrumbuar. Sako apelon për të gjithë fermerët kujdes të shtuar gjatë djegies se hamullave pasi një pakujdesi e vogël mund të shkaktojë dëme të mëdha.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.