Dorëhiqen tre gjyqtarë

Sot është dita e fundit e dorëzimit të dokumenteve të vetëdeklarimit në ILDKPI për procesin e vettingut.

Ndërsa në këtë institucion gjyqtarë dhe prokurorë janë duke çuar dukumentat e kërkuara nga ligji, mësohet se një gjyqtare e Gjykatës së Lartë, zonja Mirela Fana ka paraqitur dorëheqjen para kryetarit të Gjykatës së Lartë.

Kjo gjykatë ka njoftuar se do të mblidhet në mesditë për të diskutuar në lidhje me këtë dorëheqje. Thuhet se vendimi për t’u larguar është për shkaqe personale.

Ndërkohë, zonja Fana ka qenë edhe kandidate për Këshillin e Emërimeve.

Burime zyrtare nga Presidenca bëjnë të ditur gjithashtu se edhe gjyqtari i gjykatës së Elbasanit, Ilir Çeliku ka paraqitur dorëheqjen nga posti.

Gjyqtarja e tretë që ka dhënë dorëheqjen është Drita Veliaj, e cila ishte gjyqtare në Kukës.