“Dorëzohet Trump”, qytetarëve nga Iraku do t’iu lejohet hyrja në SHBA

Presidenti Donald Trump do të përjashtojë Irakun nga lista e vendeve  të cilave do tu ndalohet udhëtimi në SHBA.

Të hënën pritet që të nënshkruhet rendi i ri ekzekutiv, pasi përpjekja e tij e mëparshme lidhur me urdhrin e ndalimit të emigrantëve është ndalur nga gjykata, shkruan Reuters.

Zyrtari i lartë i Shtëpisë së Bardhë ka thënë se urdhri i ri ekzekutiv do ta mbajë ndalesën 90-ditëshe të udhëtimin në SHBA për qytetarët e gjashtë vendeve me shumicë myslimane, si Irani, Siria, Libia, Somalia, Sudani dhe Jemeni.

Ndërkohë, Iraku është hequr nga lista e vendeve në urdhrin origjinal, të lëshuar më 27 janar, sepse qeveria irakiane kishte vendosur procedura të reja verifikimi dhe kontrollimi, si dhe për shkak të punës së saj me Shtetet e Bashkuara në luftë kundër militantëve të ISIS-it, ka thënë ky zyrtari.