SPAK të punojë pa u ndikuar nga urdhrat e partisë
Deputetja e Partisë së Lirisë, Monika Kryemadhi, thotë se urdhër-arrestet e lëshuara sot nga SPAK provojnë se faktet që ajo ka depozituar para disa muajsh në institucionin e akuzës janë të të pamohueshme. Megjithatë, sipas Kryemadhit, SPAK duhet të arrijë te kokat e vërteta të aferës dhe të mos ndërmarrë sulme me porosi të partisë në pushtet.
Përshëndes veprimet e sotme për inceneratorët. Treguan se faktet që kam bërë publike janë të pamohueshme.
Por, drejtësia nuk duhet të veprojë me regji dhe favorizime klienteliste!
Burime të besueshme tregojnë se para pak muajsh SPAK ka kërkuar masë arresti për Armando Subashin dhe është frenuar. I njëjti deformim po ndodh për hetimet e inceneratorit të Tiranës, për të shpëtuar Erion Veliajn dhe kokat e vërteta të aferës së inceneratorëve.
SPAK duhet të godasë në shenjë për inceneratorët, mos të drejtohet sipas sulmeve që vijnë nga kongresi i partisë.
Po monitorojmë çdo veprim të autoriteteve për inceneratorët dhe do të bëjmë çdo gjë që të korruptuarit e qeverisë të njohin ligjin, ndërsa paratë dhe pronat publike t’i kthehen shqiptarëve.
