Duma takim me sportistët: 4-fishim të fondit për sportin

Kandidatja e PD-së për kryetare Bashkie në Durrës, Grida Duma zhvilloi një takim me sportistë dhe ish-sportistë të disiplinave të ndryshme, ku ka dëgjuar prej tyre problemet me të cilat sporti përballet sot në qytet.

Duma mori mbështjen e këtij komuniteti për masivizimin e sportit përmes projektit ndryshe të krijimit të këndeve për sport tek të rinjtë.

“Një komunitet mund të jetojë edhe me një rrugë më pak, por me një qendër sportive apo me një qendër për fëmijë më pak për fëmijët, jeton edhe me keq. Të jemi bashkë në këtë projekt që nuk do të thotë domosdoshmërisht 4 fishin fondesh por 4 fishim i mendjeve tuaja profesionale për të shtuar tek komunitetet tona sportin”, tha Duma

Sportistët shprehën mendimet e tyre për rritjen sportit duke theksuar mungesën e ambjenteve dhe investimeve lehtësisht të realizueshme për këndet sportive. Deputeti Agron Duka tha se me kandidaten Duma sporti do rikthehet në jetën durrsakëve ndërsa ftoi të gjithë të bëhen pjesë e ofertës së kandidates së djathtë.