E përzuri nga lokali se u tregonte organet gjenitale klientëve

Një shtetas shqiptar është bërë protagonist i një incidenti në lokalin “Jolly Blu”, në Vetralla të Italisë.

Ai në gjendje të dehur ka ngacmuar klientët që ndodheshin brenda barit, duke hequr pantallonat për t’i treguar organet gjenitale. Këto skena kanë tërhequr vëmendjen e Cristian Dolcit, pronarit të lokalit, i cili e ka përzënë shqiptarin duke ia ndaluar hyrjen.

Por ngjarja, e cila është shënuar pasditen e së dielës nuk është mbyllur me kaq, pasi shqiptari i dehur dhe i inatosur është rikthyer në ambientet e jashtme të lokalit dhe e ka sulmuar pronarin, duke tentuar ta godasë me një hanxhar.

Momenti i sulmit është fiksuar nga kamerat e sigurisë se “Jolly Blu” dhe ka bërë xhiron e rrjetit në Itali.

Ndërkaq, policia po heton rastin pasi shqiptari është denoncuar nga pronari i lokalit për sjelljen dhe veprimet e tij të dhunshme.