Ekzekutoi 7000 përdorues droge, Presidenti i Filipineve: Radhën e kanë policët e korruptuar

Presidenti i Filipineve, Rodrigo Duterte ka pezulluar përkohësisht luftën e tij kundër drogës duke e zhvendosur fokusin tek eliminimi i korrupsionit brenda forcave të policisë pas vdekjes së një biznesmeni koreanojugor në selitë e policisë kombëtare në Manila.

“Duhet të fokusohemi tek pastrimi i brendshëm,” tha shefi i policisë Ronald Dela Rosa gjatë një fjalimi në kampin Crame në qytetin Quezon duket shtuar se po ndiqte urdhrat e Presidentit Dutrete për të ndaluar përkohësisht luftën kundër përdoruesve dhe shpërndarësve të drogës.

“Për momentin, s’do të ketë më operacione kundër drogës,” tha ai. Dela Rosa bëri këto komente, pas daljes publike të Presidentit Duterte i cili u zotua se do të identifikonte të gjithë agjentët e policisë të përfshirë në aktivitete të jashtëligjshme.

Megjithatë, Presidenti tha se sapo të mbarojë me policinë, lufta e tij kundër drogës do të vazhdojë deri në fund të mandatit në vitin 2022.

Që kur Duterte erdhi në pushtet në qershor të vitit 2016, fushata e tij anti-drogë ka çuar në vrasjen e më shumë se 7000 personave të lidhur me drogës.