“El Chapo i paligjshëm dhe kriminel, të kthehet në Meksikë”
Masat e reja të administratës Trump për dëbimin e emigrantëve të paligjshëm mund të shpëtojnë nga drejtësia amerikane lordin meksikan të drogës Joaquin Guzman, i njohur ndryshe si “El Chapo”.
Avokati mbrojtës i tij, José Luis Gonzalez Meza, po e luan mjaft mirë këtë kartë për të gjetur hapësira ligjore që do të mundësonin ekstradimin e tij në Meksikë, nga burgu i sigurisë së lartë në Manhatan të Nju Jorkut ku mbahet aktualisht.
Pretendimi është: “Ai është një i paligjshëm dhe kriminel, të kthehet në Meksikë”.
Mbreti i narkotrafikut u ekstradua me 20 janar në SHBA, ditën e inaugurimit të Presidentit amerikan Donald Trump.
“El Chapo” ka qenë lider i kartelit famëkeq “Sinaloa”, i cili ka trafikuar sasi të jashtëzakonshme lëndësh narkotike në Shtetet e Bashkuara të Amerikës.
