Eleganca që kombinohet me mantelin
Veshja klasike do te dominojë këtë sezon vjeshtë/dimër, duke bërë konkurrencë me pallton klasike dhe xhupat.
Duke sjellë një stil vintage që na kujton shumë pamjen e divave të mëdha, manteli është kthyer për të qenë në tendencë dhe stilistët e kanë interpretuar në shumë mënyra te ndryshme.
Ja cilat janë modelet në modë:
Manteli i gjatë
Modeli i mantel që na shtyn të guxojmë më shumë është patjetër ai i gjati që madje mund të këtë edhe një bisht te shkurtër. Është ideal për ndonjë mbrëmje mondane ose ne rast dasmash në muajt e ftohtë, mbulon dhe ngroh. Ndërsa nëse do të zgjidhnit një mantel deri tek gjunjët, kjo do t’u bënte të ndjeheni komode në çdo situatë.
Manteli i shkurtër
Është me të vërtetë e këndshme, ka një gjatësi deri te bërrylat dhe mbahet lehte. Mund të përdoret në ditët e freskëta te vjeshtës apo edhe në evente mbrëmjesh, mbase duke e bërë pamjen edhe më elegant dhe të ngrohtë falë një palë dorezave të gjata. Mund ta kombinoni këtë mantel me një kapele te mrekullueshme!
Mantel skocez
Nëse nuk ju pëlqejnë ato një ngjyrëshe mund te provoni me një mantel plot fantazi skoceze në ngjyrat e të bardhës dhe të zezës. Dekori skocez ju lejon të mos dukeni aq shume serioze sa ka veti të tregoje dhe vet manteli.
Mantel me stampa me ngjyra
Kafshë, gjethe, lule, insekte, fantazi natyrore këtë vit dominojnë skenën dhe mund te gjenden edhe tek mantelet te cilat bëhen me te vërtet te bukura. Nëse nuk keni frike për të guxuar me ngjyrat do te transformoheni në flutura me ngjyra që kalojnë erërat e ftohta të dimrit falë stilit.
