Elon Musk zbulon Tesla Model 3

Tesla Motors ka publikuar Model 3, në një event në Los Angeles, makina e katërt elektrike e prodhuar nga kompania që drejtohet nga Elon Musk. Vetëm një orë pas publikimit janë bërë rreth 115 mijë porosi, për Model 3, makina me çmim të ulët.

Shitjet e kësaj makine do të nisin në 2017, sigurisht nëse Tesla arrin t’i prodhojë, kështu që në të ardhmen mund të shohim shumë prej tyre në rrugë.

Çfare duhet të dimë për këtë makinë?
Model 3 është më i lirë se modelet e tjera. Model S shkon në 58.500 paund, ndëras Model X, SUV i kompanisë elektrike pritet të nisë nga 65 mijë paund. Çmimi i Model 3 do të nisë nga 35 mijë dollarë.

Model 3 do të jetë më i përballueshëm si çmim për më shumë njerëz, dhe duke gjykuar nga popullariteti i automjeteve të saj, ky model mund të shitet shumë shpejt.

Vetëm me një karrikim ajo mund të përshkuajë 350 km. Sipas Musk kjo makinë mund të fitojë shpejtësinë 0-100 km/h në vetëm 6 sekonda.