Emri/ Aksident tragjik në rrugën Fier-Seman, makina përplas biçikletën, humb jetën 80-vjeçari!
Një 80-vjeçar i identifikuar si Nasi Peto ka humbur jetën pasditen e sotme, pasi biçikleta me të cilën udhëtonte u përplas me një automjet në aksin rrugor Fier-Seman.
Aksidenti ka ndodhur rreth orës 16:15, ndërsa drejtuesi i biçikletës ndërroi jetë në vendngjarje.
Sipas njoftimit të policisë, në aksident u përfshi automjeti me drejtues shtetasin V. M., 61 vjeç, i cili u përplas me biçikletën që drejtohej nga shtetasi N. P., rreth 80 vjeç.
Si pasojë e përplasjes, i moshuari ka marrë dëmtime të rënda dhe ka ndërruar jetë në vendin e ngjarjes.
Ndërkohë, drejtuesi i automjetit do të shoqërohet në komisariat për kryerjen e veprimeve të mëtejshme procedurale.
Grupi hetimor ndodhet në punë për të zbardhur rrethanat dhe shkaqet e aksidentit tragjik.
Tema:
kryesore



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.