Erdogan dhe Putin takohen më 1 shtator në Bishkek, këshilltari i Kremlinit zbardh prapaskenat e bisedimeve

Presidenti turk, Recep Tayyip Erdogan, dhe presidenti rus, Vladimir Putin, do të takohen në Bishkek më 1 shtator për bisedime që pritet të përqendrohen në luftën në Ukrainë, Detin e Zi dhe zgjerimin e lidhjeve ekonomike dypalëshe, tha të premten një ndihmës i Kremlinit.

Yuri Ushakov, këshilltari i Putinit për politikën e jashtme, tha se takimi do të zhvillohet në margjinat e Samitit të Organizatës së Bashkëpunimit të Shangait (SCO), i planifikuar për 31 gusht-1 shtator në kryeqytetin e Kirgistanit.

“Ka shumë çështje për të diskutuar. Sigurisht, këto përfshijnë situatën në Detin e Zi dhe çështjen ukrainase në përgjithësi”, u tha Ushakov gazetarëve.

Ai shtoi se të dy udhëheqësit pritet të diskutojnë gjithashtu mënyrat për të zhvilluar më tej bashkëpunimin tregtar dhe ekonomik midis Turqisë dhe Rusisë.

Ushakov tha se Putin ka planifikuar nëntë takime dypalëshe si pjesë e Samitit, duke vënë në dukje se takimet e mëdha ndërkombëtare ofrojnë një mundësi për bisedime të drejtpërdrejta midis liderëve botërorë.

Putini është planifikuar të takohet me presidentin kinez Xi Jinping më 31 gusht dhe me presidentin iranian Masud Peskov më 1 shtator.

Ai pritet gjithashtu të takohet me kryeministrin indian Narendra Modi, presidentin kazakistanez Kassym-Jomart Tokayev, kryeministrin armen Nikol Pashinyan dhe udhëheqësit e Kirgistanit, Taxhikistanit dhe Mongolisë.