Erdogan: Europa nuk na do se jemi myslimanë

Presidenti i Turqisë Recep Tayyip Erdogan ka deklaruar në Stamboll se Bashkimi Europian po mendohet  se çfarë do të ndodhë nëse Turqia do të hapë dyert për refugjatët drejt Evropës.

Më pas ai ka shpjeguar edhe  pse-në se përse  BE nuk e do Turqinë:

“Hej, Bashkim Europian, ju nuk na pranoni për shkak se shumicën e popullatës sonë e përbëjnë myslimanët. Nuk mund të dëshmoni se nuk është kështu. Këtë ma ka thënë hapur një ish–ministër francez i Punëve të Jashtme. Me mua atëherë ka qenë edhe Ahmet Davutoglu. Ka qenë një takim trepalësh dhe këtë na e tha hapur ministri. Ka thënë ‘juve nuk do t’iu pranojnë në Bashkimin Evropian, kot mundohuni’. E pyeta për arsyen, dhe ai u përgjigj, ‘për shkak se jeni myslimanë’“, ka thënë presidenti turk.