Erdogani kërcënon BE-në: Paguani 6 miliardë euro ose jua lëshova refugjatët
Presidenti turk, Rexhep Taip Erdogan, kërcënoi Bashkimin Evropian se do të hapë portat për në BE 3 milionë emigrantët e strehuar në Turqi.
Në një intervistë për rrjetin “Al-Jazeera”, Erdogan tha se Brukseli nuk i ka respektuar kushtet e vendosura. Ai i kujtoi BE-së premtimin për pagesën prej 6 miliardë eurosh, ndërkohë që tha se deri tani janë paguar vetëm 300 milionë.
“Momentalisht ndodhen 3 milionë refugjatë në Turqi, por këta mund të nisen drejt Evropës. Në mbajmë 3 milionë refugjatë, prandaj duhet të na japë ndihmë BE. Sikur këta refugjatë të nisen drejt BE-së, ajo nuk do të dijë të veprojë”, tha ai.
Kërcënimi i presidentit turk vjen në një kohë kur marrëdhëniet me bllokun evropian janë të ftohta. Brukseli ka ngritur shpeshherë shqetësimin se Turqia shkel mbi normat e demokracisë dhe lirinë e shtypit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.