Erjon Llapushi dënohet me 17 vite burg për vrasjen e Gazmend Kurmakut

Gjykata e Apelit me Juridiksion të Përgjithshëm ka lënë në fuqi vendimin për Erjon Llapushin, duke e dënuar përfundimisht me 17 vite burg për vrasjen e Gazmend Kurmakut.

Vendimi u dha nga trupa e gjyqtarëve Qemal Zaimi, Taulant Banushi dhe Lutfije Celami të cilët nuk morën parasysh ankimin e autorit dhe lanë në fuqi vendimin e gjykatës së shkallës së parë Elbasan.

Ngjarja ndodhi në 20 tetor të vitit 2021 në një lokal në Fushë Labinot, ku sherri mes palëve nisi për nje tavolinë të rezervuar.

Llapushi kapi nga fyti Kurmakun, e kërcënoi me thikë, e më pas e goditi, ndërsa viktima në rënie përplasi kokën në dysheme duke i shkaktuar vdekjen.

Për Llapushin janë kryer disa herë operacione nga RENEA pasi etiketohet person me rrezikshmëri, por nuk është arritur të arrestohet.