Muzike
Ermonela Jaho drejton talentët e rinj në Teatrin e Operës dhe Baletit
Teatri i Operës dhe Baletit ka hapur thirrjen e tretë për masterclass me sopranon e njohur, Ermonela Jaho për programin “Akademia Teatrale” e cila synon identifikimin dhe zhvillimin e talenteve të reja.
“Nën kujdesin e veçantë dhe mjeshtëror të sopranos ikonike, Ermonela Jaho e cila hodhi gurin e parë të themelit të këtij programi, nga data 2-5 tetor, artistët e rinj të moshës 18-30 vjeç, do të kenë mundësinë të trajnohen plotësisht pa pagesë, rreth teknikës fizike të këndimit, asaj të interpretimit e këndimit, përgatitjes psikologjke të repertorit dhe ndërtimit të një roli”, njofton TOB.
Ermonela Jaho mbetet një nga sopranot më të talentuara në nivel ndërkombëtar ndërkaq një nga shqiptaret më të famshme në skenat e muzikës klasike.
