Europa League: Milani pa fat në short, Benfica dhe dy angleze! Rivalë spanjollë për Juven

Goglat në shortin e hedhur sot në Monako kanë rezervuar derbin e zemrës për trajnerin Amorim. Spalletti ndeshet edhe me AZ Alkmar.

Juventusi sfidon Spanjën, Milani Anglinë (përveç Benfica-s) në Europa League, kompeticion që vjen në ekranin e RTSH. Shorti nuk ishte me shumë fat për Juventusin dhe Milanin. Në rrugën e skuadrës së trajnerit Spalletti janë Real Sociedad, Rennes, Omonia dhe Nec në ndeshjet shtëpiake, si dhe Az Alkmaar, Ferencvaros, Celta Vigo dhe Hapoel Beer Sheva në transfertë.

Për Milanin kalendari rezervon Benfica, Ferencvaros, Sunderland, Ararat-Armenia në shtëpi, si dhe Olympiacos, Salzburg, Bournemouth dhe Levski Sofia në transfertë.

Formula është e njëjtë me dy edicionet e fundit, të parat me formatin e ri: 36 skuadra pjesëmarrëse të ndara në 4 fasha dhe një klasifikim unik që përcakton ato që kalojnë direkt në 1/8-at, ato që shkojnë në Play-off dhe ato që eliminohen. Çdo skuadër përballet me dy kundërshtarë për secilën nga 4 fashat. Luhen 8 ndeshje në total, 4 në shtëpi dhe 4 në transfertë.

Asnjë skuadër e së njëjtës federatë kombëtare nuk shortohet kundër një tjetre të të njëjtit kampionat. Finalja e Europa League luhet më 26 maj 2027, në “Waldstadion” të Frankfurtit.