Euroskeptiku Philip Hammond emërohet ministër i Punëve të Jashtme

Kryeministri britanik, David Cameron njoftoi sot në rrjetin social Twitter se kishte emëruar ministrin aktual të Mbrojtjes, Philip Hammond në postin e ministrit të Punëve të Jashtme duke zëvendësuar kështu William Hague.
“Philip Hammond është ministri i ri i Punëve të Jashtme”, shkruan ai në Twitter.
Ministri britanik i Punëve të Jashtme, William Hague njoftoi dje se do të japë dorëheqjen nga posti i tij për t’u bërë kreu i ardhshëm i Dhomës së Komuneve (Dhoma e Ulët e Parlamentit).