Fasoneria kryeson eksportet “‘made in Albania” me 260 milionë euro të ardhura

Ekonomia shqiptare në tremujorin e tretë të këtij viti përfitoi 112 milionë euro për shërbime të përpunimit të mallrave të porositura nga jashtë vendit.

Sipas të dhënave nga Banka e Shqipërisë, fasonet kryesojnë eksportet shqiptare, me rreth 44% të volumeve totale vjetore. Për gjithë 9-mujorin, të ardhurat totale nga puna me fason arritën në 260 milionë euro, në rritje me 8.3%.

Ky sektor është  i përqendruar kryesisht tek prodhimi i veshjeve dhe këpucëve me porosi nga jashtë, por, në vitet e fundit, ka një zgjerim të spektrit të produkteve që prodhohen në Shqipëri.

Në total, ekonomia shqiptare përfitoi në gjatë 9-mujorit 2017, 864 milionë euro nga shërbimet e eksportuara.

Pjesën kryesore e zënë pikërisht fasonet dhe turizmi, por këtyre iu shtohen edhe shërbimet call center apo ato të teknologjisë së informacionit për kompani të huaja.

Krijimi i një klime të favorshme për biznesin dhe lehtësimi i shumë proçedurave administrative po favorizojnë sipërmarrjen dhe biznesin jo vetëm në drejtim të rritjes së prodhmit por edhe të eksporteve.

Paketa e ndihmës për fasonët e miratur nga qeveria në vitin 2014 me 32 lehtësira fiskale çeli epokën e një zhvillimi të ri për këtë sektor.

Ndër këto lehtësira fiskale përmendim dhënien me qira, të pasurisë shtetërore për industrinë me 1 € kosto e kontratës së qirasë, udhëzimin “Për dispozitat zbatuese të Kodit Doganor”, “Orari i punës së zyrave doganore”. Fuqizimi i rolit të AIDA-s në mbështetje të industrisë; U vendos ngritja e një sporteli “One Stop Shop” të dedikuar për industrinë fason pranë AIDA-s. U negociua për sigurimin e fondeve nga: Marrëveshjet për programe financiare nga donatorë si Kooperacioni Italian & KFW (me një vlerë prej 39 mln EURO), Rikthimi i tatim fitimit të industrisë fason

Rishikimi taksave për përcaktimin e listës së makinerive e të pajisjeve që janë drejtpërdrejt të lidhura me investimin dhe të procedurave të përjashtimeve e të kritereve përkatëse. etj.

Lehtësira fiskale për biznesin edhe gjatë 2018

Sipërmarrja po mbështetet nga nisma konkrete për thjeshtësimin dhe unifikimin e procedurave që ju duhet të ndekin në dyert e administratës publik. Sfida më e madhe e qeverisë është t’u krijojë biznesit dhe sipërmarrjes të gjitha kushtet e nevojshme për t’u rritur, zhvilluar dhe inovuar sa më shumë me teknologji të reja dhe investime të qëndrueshme.

Ndërsa lehtësitë që ofron Portali e-albania, si instrument në dorën e çdo sipërmarrësi, që u kursen kohë dhe shërbehet po në kohë reale nga administrata shtetërore, është një tjeter hap i rëndësishëm në mbështetje te biznesi.

Ndërsa paketa fiskale që shoqëron edhe buxhetin e vitit 2018, vijon të refelektojë përmirësim të proçedura, duke u thjeshtësuar në favor edhe të përmirësimit të klimës së biznesi.