Fluturoi mbi centralin nuklear, kapet në Francë Ermal Beqiraj që kërkohet për “AKSHI”-n. Parisi: Spiunazh apo g

Ermal Beqiraj, i kërkuar nga SPAK për dosjen e “AKSHI”-t, është arrestuar në Francë.

Tashmë pritet ekstradimi i Beqirajt në Shqipëri, pasi ndaj tij është lëshuar masa “arrest me burg” nga Prokuroria e Posaçme.

Beqiraj u arrestua pasi u konstatua duke fluturuar me një avion të lehtë mbi centralin bërthamor në Penly, në Normandi, në veri të Francës.

Lajmin e ka publikuar “Le Journal du Dimanche” që duke cituar autoritetet zyrtare shton se menjëherë nisën proceduar e sigurisë ndërsa Forcat Ajrore ngritën një avion për ta inerceptuar.

Beqiraj kishte zbritur nën lartësinë minimale të lejuar në këtë zonë të konsideruar të sigurisë së lartë.

Më tej shtohet se avioni i pilotuar nga shtetasi shqiptar u shoqëruar në aeroportin “Albert” ku u arrestua menjëherë sapo preku tokën.

Po ashtu shtohet se identiteti i të ndaluarit ka ngritur pikëpyetje te hetuesit që po verifikojnë nëse bëhet fjalë për një gabim apo veprim të qëllimshëm pa përjashtuar as spiunazhin.

Hetimi është në vazhdim dhe autoritetet franceze po analizojnë itinerarin e fluturimit, motivin e pilotit dhe të dhënat e avionit për të përcaktuar nëse kemi të bëjmë me një shkelje të rregullave të aviacionit apo me një veprim me qëllime të tjera.