“Fol me Kryeministrin”, mbi 971 komunikime nga qytetarët, cilat janë shqetësimet kryesore

Mbi 971 komunikime nga qytetarë brenda dhe jashtë Shqipërisë janë regjistruar në platformën online “Fol me Kryeministrin”. Të dhënat janë bërë publike nga Agjencia për Media dhe Informim, e cila bën me dije se qytetarët kanë përcjellë pyetje, shqetësime, denoncime, kritika dhe propozime për çështje të ndryshme.

Sipas të dhënave të publikuara, 17% e komunikimeve përbëhen nga denoncime, ndërsa po 17% janë propozime për politika të ndryshme. Infrastruktura dhe çështjet që lidhen me Agjencinë Shtetërore të Kadastrës dhe legalizimet zënë secila nga 12% të mesazheve.

Ndërkohë, 10% e komunikimeve përfaqësojnë kritika ndaj qeverisjes, 6% lidhen me punësimin dhe po 6% me strehimin.

Temat e tjera të ngritura nga qytetarët përfshijnë:

Platforma “Fol me Kryeministrin” u prezantua si një hapësirë komunikimi të drejtpërdrejtë mes kreut të qeverisë dhe qytetarëve, në një kohë kur protestat e studentëve vijojnë të shoqërohen me tensione dhe përplasje.

Përmes faqes folmekm.al, qytetarët dhe studentët ftohen të përcjellin mendimet, opinionet dhe shqetësimet e tyre.

Gjatë prezantimit, kryeministri Edi Rama e cilësoi platformën si një urë komunikimi të hapur 24 orë, duke bërë të ditur se për ndjekjen e mesazheve do të ngrihet një skuadër e dedikuar, e cila do të kujdeset për qarkullimin e informacionit dhe shkëmbimin e mendimeve.

Platforma synon të mundësojë komunikim të vazhdueshëm mes qytetarëve dhe institucioneve, përmes një kanali online ku mund të adresohen problematika dhe propozime të ndryshme.

Ende nuk ka komente. Bëhuni i pari që komenton.